AATP ÇR-nın prezident sarayında Azərbaycan Respublikasının 100 illiyinə həsr olunmuş təntənəli tədbir keçirib

28 may 2018 – ci ildə, Praqa prezident sarayının İspan zalında, Azərbaycan Respublikasının 100 illiyi münasibəti ilə təntənəli şam yeməyi mərasimi təşkil olunub. Təntənəli mərasim Azərbaycan – Avropa ticarət palatası və Azərbaycan Respublikasının Çexiyadakı səfirliyi ilə birlikdə keçirilib.

Tədbirdə ÇR Parlamentin sədr müavini Yan Hamaçek, Azərbaycan Respublikasının Çex Respublikasında səfiri Fərid Şəfiyev, Azərbaycan – Avropa ticarət palatasının prezidenti David Snaşel, Çexiyada akkreditə olunan xarici ölkələrin səfirləri, yerli siyasi dairələrin nümayəndələri, azərbaycanlı biznesmenlər və digər mötəbər qonaqlar iştirak edib.